Geitin

Loksins loksins

2009-04-09T21:59:00.003Z

Jæja ég ákvað að láta heyra smá í mér!!!!, eins og venjulega er nóg að gera hjá mér, skólinn á fullu og svo auðvitað fjölskyldan og vinnan. Undan farna mánuði hefur verið brjálað að gera í vinnunni, og ég tala nú ekki um í skólanum, endalaus próf og verkefni, ef það er ekki tölfræðipróf þá er það tölfræðiverkefni og svo er það rekstrarhagfræðin og ekki má gleyma ársreikningnum, jebb lífið snýst um þetta hjá mér núna. Páskafríið verður notað í tölfræði og fjölskylduna hehehe hvernig sem það gengur.

Einnig hefur verið nóg að gera í kringum skátana, þrátt fyrir að vera í fríi frá kórnum þá hefur bara aukist nefndarsetan hjá SSR. Ég sat á skátaþingi ekki alls fyrir löngu, þetta var bara mjög skemmtilegt hehehe, fullt af skátum að koma inn aftur eftir langa fjarveru, þannig að ég þekkti alveg heilan helling þar, svo endaði þetta með góðu skralli Laugardagskvöldið.

Jæja ég ætti kannski að halda áfram í páskaeggjagerðinni, gengur frekar brösulega. hummm

Árið 2009

2009-02-01T14:20:00.002Z

Sæl og blessuð öll sömul.
Ég verð víst að blogga eitthvað, fékk formlega kvörtun í gærkveldi yfir bloggleysi hjá mér, ég yrði bara að spýta í lófana og bulla eitthvað ef ég hefði ekki frá neinu að segja. hehehehe.
Reyndar er ekki mikið að frétta af okkur, jólin og áramótin gengu í gegn eins og hjá öllum, allir kátir og glaðir. Reyndar varð ég árinu eldri þann 7.janúar, lét Hauk sjá um eldamennskuna þann daginn. Við Lína systir héldum upp á afmælið okkar saman enda 80 ára gamlar, þetta var svona lítið frænkuboð,mikið talað og skrafað. Svo hefur bara hversdagsleikinn tekið við, Skóli, vinna, heimilið, borða, sofa og læra.

Bkv. Sigurlaug

Jólin og jólaundirbúningur

2008-12-20T13:14:00.003Z

Kæru vinir og vandamenn, ég óska ykkur öllum gleðilegra jóla og farsældar á nýju ári.
Takk fyrir það gamla og vonandi sjáumst við hress á nýju ári.

Eins og margir vita þá hefur heilsufarið á heimilinu ekki verið upp á marga fiska, en með lækkandi sól, þá hefur heilsan komið hægt og rólega, demanturinn ákvað að yfirgefa hreiðrið, þannig að ég er öll að koma til (hahahaha). Og því heilsan er svo að segja komin þá var farið í jólaundirbúning, baka smákökur (done), þrífa (done), kaupa jólagjafir (mostly done), skreyta jólatréð (sunnudag), ákvaða matinn og kaupa (done), vantar eitthvað meira á listann???, held ekki, nema þá að elda matinn og það gerist eins og allir vita bara samdægurs.

Ég get nú sagt ykkur frá því að ég og unglingurinn á heimilinu fórum á konfektgerðarnámskeið, svei mér þá ef við erum ekki bara snillingar :-) , þetta var rosalega skemmtilegt og líka gott. Það er rosalega gaman að geta gert svona og þá á við að geta verið með unglingnum, það gerist nú ekki oft á þessum dögum, hvað þá að gera eitthvað með mömmu sinni, sem er oftast sagt að það sé "hallærislegt ", ætli ég lifi ekki á þessu í nokkur ár.

Bið að heilsa í bili.
Með jólakveðju Lauga

Jólin nálgast.

2008-12-08T20:25:00.002Z

Já þau nálgast ef enginn hefur tekið eftir því, bara 16 dagar til jóla, vóóóó hvað tíminn líður hratt.
Undan farið er búið að vera nóg að gera hjá mér og mínum, endalausir tónleikar hjá strákunum og svo auðvitað vinnan, plús veikindi.
Á morgun á ég að hitta doktorinn og ég efa það að steininn minn sé farinn (auðvitað á ég við demantinn sem situr fastur), en auðvitað kemur þetta allt saman í ljós á morgun. Allir að krossleggja fingur og vona með mér að demanturinn sé farinn.
Og svo er bara að koma sér í jólagírinn og skreyta skreyta skreyta meira.

Heilsan hvað er það nú aftur ???!!!???

2008-11-19T19:43:00.002Z

Nú er ég búin að fara til doktorsins og viti menn, steinbrjóturinn "Mjölnir" braut ekki niður steininn góða, svei mér þá, þetta ætlar ekki að ganga þrautalaust, þessir STEINAR vilja bara ekki yfirgefa mig alveg sama hvað sé reynt. Nú er ég komin í tilraunaverkefni, það er að ég held áfram að taka inn verkjalyfin, sýklalyfin og nú Omnic en það er víst kallalyf, hahaha nú er ég orðinn eldri maður með þvagfæra og blöðruhálskirtilsvandamál. Jebb doktorinn sagði það, en þetta lyf á að hjálpa til með að þrýsta steininum út, vona bara að þetta virki.

Nú er Skrekkur búinn og MINN SKÓLI vann, yessss til hamingju Austó.

Afmælisdagur

2008-11-10T23:07:00.002Z

Í dag hefði afi minn átt afmæli og orðið 94 ára, en hann var fæddur 10.11.1914, skrítið að hugsa til þess að fyrir ári síðan sat ég og spjallaði við ömmu mína í tilefni dagsins, við áttum hátt í 2 klukkustundaspjall í símanum, okkur þótt mjög gaman að tala :-), en þetta var okkar síðasta spjall, þessi dagsetning verður því föst í minni mínu um ókomnatíð. En þegar ég hugsa til baka þá held ég að amma mín afi vitað að hún væri að fara, því eiginlega snérist samtal okkar um gamlar minningar, um mig og mín fyrstu ár hjá þeim öðlingshjónum, og líka um það að ég hafi alltaf verið velkomin. Já það er gott að eiga svona minningar.
En nóg um gamlar minningar, nú er Skrekkur byrjaður á fullu og fyrsta kvöldið af 5 búið, og reyndar er ég alveg búin eftir þetta fyrsta kvöld, en þetta er fínn auka peningur því drösla ég mér áfram í þetta. En ég vona að heilsan fari nú að koma tilbaka er eiginlega búin að fá nóg af verkjum og óþægindum.
Læt þetta duga í bili.

Allt á réttri leið :-)

2008-10-27T16:27:00.003Z

Jæja þá er ég búin að fara í steinbrjótinn "Mjölnir", það lítur út fyrir það að þetta hafi bara gengið vel. Þannig að allt lítur vel og mér líður aldrei þessu vant bara mjög vel, nú get ég líka farið að taka skólann aftur með trompi og sinnt vinnunni sem skyldi.
Kveðja Lauga

Í fréttum er þetta helst.

2008-10-19T11:10:00.002Z

Jæja þá koma fréttir eða ekki fréttir, þessa dagana á ég að taka því rólega, er bara að bíða eftir því komast í steinbrjótinn til að mölva þennan stein, en hann ákvað að fara að hreyfa sig sem veldur mér bara þjáningum, en verkjalyfin halda svolítið verkjunum frá. En nóg með mig, strákarnir eru að sjálfsögðu á fullu í sínu og Markús Ingi var að þreyta samræmdupróf núna í vikunni í íslensku og stærðfræði, að hans mati gekk honum bara vel, sagði að stærðfræði prófið hafi bara verið létt, en við sjáum hvað setur. Stulli er bara á fullu í handboltanum þessa dagana og skóla og píanói. Gulli er á fullu í hárgreiðslunni (finnst rosalega gaman) og í björgunarsveitinni.
Haukur fær það hlutverk að sjá um allt og þjónusta þar sem ég er í veikindarleyfi hehehe.
Hilsen Lauga

Tónleikar aftur

2008-10-10T18:25:00.007Z

Nú er Haukur búin að fara yfir videoupptökurnar sem hann tók á strengjatónleikunum og ákvað ég að setja inn 3 brot, Þar sem Markús spilaði með sinni hljómsveit og svo þar sem Tinna Mjöll er að spila með sinni hljómsveit, reyndar er það bara brot af hennar lagi, en öll lögin voru svo löng sem hennar hljómsveit spilaði, en ég verð bara að sýna hana :-), og svo síðasta brotið er þegar allir spila lagið mamma mía, en þarna eru yfir 360 börn að spila. vonandi finnst ykkur þetta skemmtilegt eins og mér.

Strengjatónleikar

2008-10-07T15:46:00.003Z

Við fórum á tónleika núna síðast liðinn sunnudag, hjá Markúsi Inga og Tinnu Mjöll, Það er nú skemmst frá því að segja nema að Markús fór á strengjamót í Reykjanesbæ var það frá föstudegi til sunnudags og endaði á alsherjar tónleikum á sunnudegi. Þetta var alveg svakalega gaman, þrátt fyrir að heilsan væri léleg. En það besta af þessu var að ég var fyrsta skipta að hlusta og sjá guðdóttur mína spila, en það er hún Tinna Mjöll og Unnur vinkona (mamma Tinnu) var líka að sjá guðson sinn spila. Ég verð nú að segja að ég er rosalega stolt af þessum börnum mínum.

Heimt úr helju

2008-10-02T19:41:00.002Z

Já það eru víst orð með sönnu. Ég er víst búin að vera ógeðslega veik og það í orðsins fylstu merkingu. Föstudaginn 26.sept ætlaði ég að skella mér í frænkuboð hjá Gurrý systur í smá stund fara síðan heim að læra og læra alla helgina og taka síðan próf, úr þessu skipulagi var því miður ekki mikið uppá að hafa þar sem ég lenti inn á spítala með nýrnasteinakast, og í þessu skelfilega kasti festist steinninn og olli sýkingu, sem þýðir hár hiti, köldu og svo lengi mætti telja.
Á laugardeginum var ég send í aðgerð, þar sem ég var svæfð og slöngu var komið á milli nýra og þvagblöðru, framhjá steininum. Jæja ekki nóg með það þá fékk ég sýkingu í lungu og það voru víst nokkrir dagar þar sem ekki var fallegt ástandið eða svo er mér sagt frá starfsfólki spítalans.
Fékk að fara heim en varð að lofa að vera mjög góð. Og ég ætla vera mjög góð.

Frænkuboð á næsta leiti

2008-09-17T22:10:00.002Z

Já nú er komið að "ÞVÍ" Gurrý systir ákvað að halda næsta frænkuboð, enda kominn tími til, en við munum hittast föstudaginn 26 sept en þá er hún nýbúin að eiga afmæli (24.sept). Kannki fáum við afmælisköku hehehe.
Annars er frekar lítið að frétta af mér, nema það sama og venjulega, vinna skóli, vinna skóli og auðvitað heimilið líka (fjölskyldan). Læra og læra meira. Svona er bara lífið þessa dagana.
Fór reyndar í leikhús um helgina, sá Fló á skinni með vinnunni, Haukur komst reyndar ekki með mér þar sem hann var veikur. Við fórum á Kringlukránna áður og fengum okkur að borða, maturinn var frábær, algjört æði nammi nammi.
jæja komið gott í bili.
Lauga

Lífið

2008-09-04T19:20:00.003Z

Nú er heimilislífið að komast í fastar skorður, allir komnir í skóla sem eiga að vera þar, tómstundastörf komin á fullt, þannig að allir eru glaðir með sitt.
Við hjónin skelltum okkur á tónleika í gær hjá Klezmer Kaos, en það er hljómsveitin hennar Heiðu frá París, við hjónin skemmtum okkur mjög vel, en ég verð að segja að Heiða frænka er svakalega flott vá vá vá. hljóðið hefði mátt vera betra, það fannst öllu tónlistarfólki(ættingjar) í salnum, Biggi og Jói voru eiginlega á því að fjarlægja hljóðmanninn hahahaha. En frábærir tónleikar og þau stóðu sig eins og hetjur og í lokin var sunginn afmælissöngur fyrir Heiðu þar sem hún varð 25 í gær.
Á morgun ætlum við til Keflavíkur(Reykjanesbæ) á ljósanótt, en Hildur(systir Hauks) Daddi(bróðir Hauks) og Davið sonur Hildar eru að opna sýningu þar á morgun og auðvitað mætir fjölskyldan á opnunina.

Dagurinn í Dag

2008-08-23T09:52:00.002Z

Þessi dagur verður sko ekki rólegur hjá mér frekar en fyrri daginn. Nú er ég búin að fara 1 sinni noður í skólann, sem var bara fínt. Nú verður sko aldeilis tekið á því, Vinna, skóli, heimili og lærdómur, svona verður líf mitt næstu árin, bara svona smá upplýsingar til þeirra sem vilja vera í sambandi við mig hehehehe.
Í dag ætla strákarnir mínir að taka þátt í Reykjavíkurmaraþoni (3km), auðvitað mun ég fara og hvetja drengina mína til dáða, veit samt ekki hvort ég nenni að vera í bænum á menningarnótt, ekkert mikið fyrir það.
Í dag hefði amma mín líka átt afmæli, hún hefði orðið 88 ára, verð að segja að mér finnst mjög skrítið að geta ekki hringt í hana og óskað henni til hamingju með daginn. Hún var vön því að baka pönnukökur í tilefni dagsins, þannig að ég hringdi yfirleitt í fyrra fallinu til að heyra í henni áður en systur hennar mættu eða þá seint á kvöldin, til að vera viss að ég fengið spjallið.
En í dag mun ég kveikja á kerti fyrir hana og spjalla við hana í hljóði.
Á morgun á svo Ransý frænka afmæli og hún verður hummm ég held að hún verði 44, en ekki hafa það eftir mér, ég gæti verið að fara með vitlaust mál.
Jæja ætli það sé ekki best að fara að gíra sig upp og koma sér afstað í maraþon.
Kveðja Lauga

Komin heim frá Köben

2008-08-19T23:45:00.002Z

Ég átti frábæra ferð til Kóngsins Köben, þrátt fyrir að hafa verið eini kvenmaðurinn í ferðinni. En þar sem þetta var svona skátaferð, þá var farið víða og mikið skoðað (allt skátatengt), auðvitað var kíkt smá í búðir, sem er auðvitað partur af öllu saman, Strikið gengið, Fisktorv skoðað og svo að síðustu var farið í Fields, en Fields á að vera stærsta moll Skandinaviu, tíminn þar var mjög knappur enda bara 1 klst. stopp þar. Ég verð nú samt að segja frá því að við fórum í Kristjaníu, en þar er mjög góður matsölustaður, kom bara verulega á óvart. Erla, ég komst ekki í Tívolíið í þetta skiptið en ég labbaði um í Bakken, ákvað nú samt að fara í engin tæki, því þá hefði ég þurft að fara í þau öll og tíminn ekki nægur hehehehe (ein í tímaþröng allan tímann), en strákarnir fóri í alla helstu skotbakka sem þeir gátu farið í (karlmennskuremba út í eitt). En þetta var frábær ferð og ótrúlega skemmtileg í alla staði, enda yndislegt að koma til Köben.
Þeir sem eru áhugasamir þá eru myndir úr ferðinni á myndalinknum.

Kaupmannahöfn

2008-08-12T19:48:00.002Z

Nú á föstudaginn er ég á leiðinni til Kóngsins Köben, reyndar er þetta bara stutt ferð og ég mun koma heim á mánudagskvöld. Ég er að fara í skátaferð og mun skoða skátaheimili og starf það sem skátafélögin þarna eru að bjóða uppá. Held að þetta verði bara gaman ég verð eini kvenmaðurinn í 9 manna hópi. Vóóóóó nei nei ég segi bara svona.
Annars er búið að vera brjálað að gera hjá mér, vinna á fullu og svo er nú líka heldur betur að styttast í að skólinn byrji en skólasetning hjá mér er 21. ágúst. Því er eins gott að gera allt sem ég þarf að gera áður en allt byrjar.

Kveðja Lauga

Verslunarmannahelgin

2008-08-07T20:37:00.007Z

Helgin var hreint út sagt frábær, fjölskyldan í góðu yfirlæti, tjaldvagni hehehe og allir höfðu eitthvað skemmtilegt að gera eins og sést á myndunum. Einnig eru fullt af nýjum inn á myndalinknum hérna til hægri á síðunni.
Kveðja Lauga

Frábær póstur :-)

2008-07-31T20:14:00.002Z

Ég fékk þennan frábæra póst frá Sæu og við hjónin hlógum þvílíkt, varð því að skella því á bloggið.
Takk Sæa. Hérna kemur það og góða skemmtun.

Þú veist að það er 2008 ef...

1. Þú ferð í Party og byrjar að taka myndir fyrir bloggið þitt.

2. Þú hefur ekki spilað kapal með alvöru spilastokk í nokkur ár.

3. Ástæðan fyrir því að þú ert ekki í sambandi við suma vini þína er af því
þeir eru ekki að blogga, ekki á MySpace og eða á Facebook .

4. Þú leitar frekar um alla íbúð af fjarstýringunni í stað þess að ýta bara
á takkann á sjónvarpinu.

6. Kvöldstundir þínar snúast um að setjast niður fyrir framan tölvuna.

7. Þú lest þennan lista kinkandi kolli og brosandi.

8. Þú hugsar um hvað það er mikil vitleysa að lesa þennan lista.

9. Þú ert of upptekin/nn að taka eftir númer fimm.

10. Þú virkilega skrollaðir tilbaka til að athuga hvort þar væri númer fimm.

11. Svo hlærðu af heimsku þinni.

12. Sendu þetta á vini þina, settu þetta á bloggið þitt eða komdu þessu á framfæri einhverstaðar EF þú félst fyrir þessu...
Aha ekkert svona fyrst að þú féllst fyrir þessu.

Sendu þetta á vini þina, á bloggið þitt eða komdu þessu á framfæri
einhverstaðar innan 2 mínútna og 14 sek eða minna og morgundagurinn þinn
verður besti dagur sem þú hefur upplifað .. hingað til!

En, ef þú bíður of lengi,
mun það ekki skipta neina því hverjum er ekki sama svona lista ... En
vinir þínar munu missa af frábæri skemmtun

Lifandi

2008-07-29T20:00:00.002Z

Ég lifði af að sofa í tjaldi, miða við að vera orðið hálfgert gamalmenni hahahaha. Við áttum frábæra daga að Hömrum Akureyri. Verð samt að segja að Hamrar er Kjalarnes Akureyringa, vel opið fyrir norðan og sunnanáttinni. Sólin skein og rigndi reyndar líka, en hvað er landsmót án þessa alls? Fjölskynda brunaði norður á fimmtudag svo við hjónin kæmumst í brúðkaup, kórinn söng í brúðkaupinu og í veislunni á eftir. En þegar norður var komið var farið á fullt að tjalda, koma Stulla og Markúsi til Unnar og Dóra, kóræfingu og svo að skipta um föt, vááá ekkert smá mikið gert á stuttum tíma, en þetta tókst allt saman svo var bara tekið því rólega á Landsmóti skáta, sungið pínulítið(kórinn) og svo var farið á Gilwellreunion og sungið meira, það er nú meira hvað maður þarf alltaf að syngja mikið. En svona er þetta nú bara lífið er söngur.
Kveðja Lauga

Gamalmenni !!!!!!

2008-07-21T19:24:00.002Z

Já ég komst að því að maður er orðin hálfgert gamalmenni. Við ákváðum að tjalda upp tjaldinu okkar og sjá í hvaða ástandi það væri, tjaldið er í fínu standi en það er eitthvað annað en hægt er að segja um mig. Þar sem tjaldið var tilbúið í garðinum vildu strákarnir endilega sofa í því eina nótt. Ég var ekki alveg tilbúin að leyfa þeim að sofa þar einum, því varð úr að ég svaf með þeim, eða svaf og ekki svaf, upp úr klukkan hálf sex um morguninn gat ég ekki meir og skreið því út, þá meina ég SKREIÐ, ég veit ekki hvernig ég mun fara að fyrir norðan. Nú dreymir mig um að eiga tjaldvagn bara i nokkra daga hehehe, bara á meðan ég er fyrir norðan, er þetta ekki fallegur draumur??
Já það er gott að dreyma.
kveðja Lauga

Myndir frá ferðalaginu :-)

2008-07-19T10:18:00.003Z

Jæja þá er ég búin að dæla inn myndum ekki nema 682 stk. Þið sem viljið skoða þær verðið bara að taka þetta í hollum hahaha. Annars er lítið að frétta af okkur síðan við komum heim, bara að þvo og þvo meira og reyna að hvíla sig pínulítið. Stefnum á það að fara norður í nokkra daga á skátamót, en landsmót skáta er á Akureyri í næstu viku. Svo byrjar bara vinna hjá mér og svo skóli í ágúst. Þannig að ég verð bara að segja að það er bara rólegt. :-)

Kveðja Lauga

Þá er maður komin heim frá útlöndunum

2008-07-17T19:58:00.003Z

Því miður hef ég ekkert getað skrifað síðan ég fór frá Berlínarborg, ég bara nennti ekki að setja mig í stellingar við að skrifa á austurrísku lyklaborði, þar vantaði alla helstu stafina til að tjá sig :-).
En við erum semsagt komin heim eftir frábæra dvöl bæði í Berlín og svo í Vín. Ótrúlega mikið ferðast og margir kílómetrar keyrðir. En mikil skelfing er nú gott að vera komin heim og fá að sofa svo í sínu rúmi aaaaaaaaaa.
Ætla að láta þetta duga í bili og mun svo setja inn myndir frá Svíaríki, Berlín og svo Vín (auðvitað), í kvöld eða á morgun.
Kveðja Lauga

Berlín dagur 2

2008-07-10T19:36:00.003Z

Guten Tag mein liebling freunde. Ich heisse Sigurlaug und Ich bin in Berlin besuchen. Glæsileg þýska ekki satt. Nú er maður sko búin að skoða Brandenburgerhliðið og denkmal fur die ermordeten Juden Europas. Svo var farið í hestaferð (hestvagni) um austur Berlín, og að sjálfsögðu var farið í smá leiðangur að finna kort í gps tækið hans Hauks. Nú erum við örugg um að rata til Austurríkis hehehe, ekki alveg treyst á mig sem leiðsögumann, hef nú samt alveg staðið mig hingað til, skil bara ekkert í þessu. Á morgun á að reyna að finna íþróttabúð svo Gulli geti keypt sér þýska búninginn (fótbolti). Vona bara að veðrið verði betra en það var í dag, þar sem í dag var meira og minna rigning/úði.

Auf Wiedersehen Lauga

Berlín

2008-07-09T20:11:00.002Z

Þá er maður lentur í Berlín, reyndar tók borgin á móti okkur með smá úða en vonandi rætist nú eitthvað úr veðrinu. Skyldist að það ætti ekki að fara að rigna að ráði fyrr en á laugardag. Stefnum á að skoða Brandenburgerhliðið á morgun og svo líka gyðingaminnismerkið/garðinn. Sem sagt menningar skoðunarferðir næstu daga áður en við keyrum til Austurríkis.
Hilsen Lauga

Svíþjóð laugardagur

2008-07-05T17:38:00.003Z

Sæl verið þið. Hérna erum við gjörsamlega að stikkna úr hita, sól og aftur sól, maður er farin að biðja um ský, ekki rigningu heldur bara ský fyrir sólu. Stulli er búinn að standa sig eins og hetja, þar sem hann er að spila með 13 ára gömlum strákum, gerði þetta líka frábæru mörk úr hægrahorni :-), Markús Ingi fékk líka að spila í 5 mín. í dag og er alveg í skýjunum hehehehe. Nú fer að styttast í að þetta mót sé búið og við förum suður á bóginn til Berlínar.
Á mánudag munum við fara úr skólanum og gista í svona litlu húsi sem kallast hittur eða eitthvað því um líkt. Við fórum að skoða svæðið og þetta var alveg eins og maður ímyndar sér Emil í Kattholti.
Jæja læt þetta nægja í bili.
Hilsen fra Sverge.

Svíaríki

2008-07-01T20:56:00.002Z

Heil og sæl.
Nú er familien komin til Gautaborgar. Eftir langt og strangt ferðalag svona ca. 16 tíma ferðalag í heildina. Vöknuðum um 3.30 og að sjálfsögðu vorum við mætt fyrir kl. 5 á leifsstöð, enda átti vélin að fara í loftið kl 7. Auðvitað lentum við í seinkun um klukkustund sem var þess leiðandi að lestinn sem ég var búin að ráðgera að taka í Svíþjóð var farin og við þurftum að taka rútu. Heppin við eða þannig, því auðvitað lentum við á hægfara rútunni sem stoppar allsstaðar en við komumst á leiðarenda og það er nú fyrir öllu. Og eins og ferðalöngum sæmir horfir maður út um allt og pælir og hugsar, mér var mikið starsýnt á blessaðar beljurnar hérna. JÁ ég sagði beljur, ég held að bændur hér vilji bara hafa 1 lit eða eina sort, var sko ekki að sjá blandaða lita belju hópa. Já það er sko ýmislegt sem maður hugsar.
Fyrsti keppnisdagur er á morgun og Stulli minn er kominn í lið og fær því að keppa á þessu móti. Og ég sem var ekki að fara með neitt barn til að keppa. Vikan verður strembin en veður spáin er góð.

Svíþjóðarkveðjur Lauga

Skúra, skrúbba,bóna, þvo og pakka!!!!!!!!

2008-06-27T22:27:00.002Z

Jæja nú er komið að því, allir orðnir spenntir en fyrst þarf að þrífa og þvo þvott áður en maður getur byrjað að pakkað niður, jebb þetta verður að vera allt undir control. En núna á sunnudagsmorgun verðum við í háloftinu á leið til Danmerkur, en þaðan munum við taka lest yfir til Svíþjóðar. Svo tekur við viku hanboltamót í Gautaborg og þann 9.júlí förum við til Berlínar.
Gunnar Már og Erla eru svo æðinsleg að þau ætla að lána okkur íbúðina sína í nokkra daga á meðan við erum þar að skoða þessa frábæru borg (svo er víst sagt, við verðum bara að trúa því). Þaðan munum við svo keyra yfir til Austurríkis (Vínarborgar).
Þetta er sem sagt ferðaplanið í grófum dráttum, ég vona að ég geti bloggað einhverja ferðasögum á meðan við erum úti og jafnvel sett einhverjar myndir.

Auf Wiedersehen.

Utanlandsferð eftir 10 daga.

2008-06-19T19:58:00.002Z

Nú er að styttast í evrópuferð fjölskyldunar. Við hjúin tókum það að okkur að vera yfirfararstjórar á handboltamót í Svíþjóð og í fram haldi af því er stefnan tekin á ferð til Þýskalands og Austurríki. Þannig að ferðin mun taka tæpar 3 vikur. Spennan er orðin gífurleg á heimilinu, strákarnir eru gjörsamlega að fara á límingunum.
Fyrir vikið missum við af ættarmótinu sem verður í júlí, mér finnst eiginlega hundfúlt að missa af því, enda er þetta líka mín ætt. hahahahaha.
Ég verð nú að láta eitt en flakka, eins og áður hefur komið fram hjá mér, þá sótti ég um í Háskólanum á Akureyri í fjarnámi og ÉG FÉKK INNGÖNGU Í SKÓLANN, jebb þannig að nú í haust verð ég háskólamær.

Skólaslit

2008-06-05T23:21:00.002Z

Já þá eru drengirnir komnir í sumarfrí. Ég hefði ekkert á móti því að eiga svona langt sumarfrí en því er víst ekki að skipta og það er margt sem breytist þegar maður verður eldri. Gulli var að útskrifast úr grunnskóla og mun því stíga sínu næstu skref í framhaldsskóla í haust. Drengnum gekk bara vel eða sómasamlega í prófunum, auðvitað hefði mamman viljað að honum gengi betur en svona er lífið. Stulli og Markús stóði sig líka vel en það eru nú alveg 5-7 ár þangað til þeir yfirgefa grunnskólann. Ég mun hafa góðan tíma til að jafna mig.
Aftur á móti ákvað ég að skrá mig í Háskólann á Akureyri (fjarnám), nú er bara að krossleggja fingur og vona að ég komist inn. hehehe. Mig langar að klára viðskiptafræðina og leggja áherslu á stjórnun. Nú er bara að bíða og sjá hvað setur.

Jarðskjálfti.

2008-05-29T22:23:00.002Z

Snarpur jarðskjálfti reið yfir suðurland í dag og fannst alla leið til Reykjavíkur, ekki get ég sagt að mér hafi liðið vel. Um leið og ég vissi hvar jarðskjálftinn átti upptök (undir Ingólfsfjalli), þá var það fyrsta sem ég gerði var að hringja í Ingu frænku og athuga hvort það væri ekki allt í lagi með hana og hennar fjölskyldu.
Sem betur fer er allt í góðu með þau, en ástandið á húsinu er ekki gott og þau eru búin að koma sér fyrir í tjaldi í garðinum. Vona bara að allt muni fara á besta veg og þessi órói jarðar fari að sjatna.

Frumburðurinn 16 ára

2008-05-27T19:25:00.002Z

Mér finnst alveg ótrúlegt hvað tíminn líður hratt, hann þýtur framhjá manni án þess að maður geti haldið nokkrum vörnum við. Þegar ég var ung (Yngri), þá ætlaði tíminn aldrei að líða en þá var víst öldin önnur hahaha.
Í tilefni dagsins þá fór frumburðurinn í sinn fyrsta ökutíma og þvílíkt upplifelsi, honum fannst þetta að sjálfsögðu algjört æði og svo á að fara eitthvað og fá sér eitthvað gott að borða.
Strákarnir fengu líka í dag einkunnirnar sínar úr tónlistarskólanum og ekki get ég kvartað yfir þeim vitnisburði, þeir stóði sig alveg frábærlega og að sjálfsögðu stefna þeir að því að halda áfram, Stulli og Markús ætla reyndar að bæta við 1 hljóðfæri og taka hálft nám í gítarleik. Þetta verður bara skemmtilegt hjá þeim.
Takk fyrir öll kommentin hjá strákunum, þeim fannst rosalega skemmtilegt að lesa þau.
Kveðja Lauga

Þriðju og síðustu tónleikarnar nú í vor

2008-05-19T22:42:00.003Z

Jæja nú er Gulli búinn með sína tónleika, honum til aðstoðar var pabbi hans (Haukur). Ekkert smá flott hjá þeim og það myndaðist góð partýstemming. Hérna sjáið þið það.

Tónleikar nr. 2 í röðinni

2008-05-17T07:55:00.003Z

Nú er komið að tónleikum hans Markúsar Inga, það má eiginlega segja að þetta séu fyrstu tónleikar hans á Cello. Auðvitað fannst mömmu hans, hann standa sig alveg frábærlega og hérna sjáið þið afrekstur vetrarins.
Kveðja Lauga

Helgin og vikan fram undan

2008-05-12T19:52:00.002Z

Helgin er búin að vera hreint frábær. Hún byrjaði á því að mér var boðið á Laddi 60 ára, þannig að með stuttum fyrir vara, rjóð í kinnum og másandi eftir ræktina, var drifið í að dressa sig upp og koma sér í Borgarleikhúsið, marði það að vera komin 5 mín í átta. Frábær skemmtun og mikið hlegið. Laugardagurinn fór í leti og rólegheit heima, lesið og borðað, reyndar fór ég í ræktina og púlaði í klukkutíma, nú er sko stefnt að því að fara í ræktina 4-5 sinnum í viku, lágmarkið er 4 sinnum í viku.
Sunnudagurinn var æðinslegur, fjölskyldan skellti sér upp í Borgarnes til Bjössa og Sæu, þar var setið yfir myndum til að setja inn á ættarmótssíðuna, nú er ég komin með heilan helling til að skanna inn og setja inn. Gott að koma þangað í heimsókn enda mikið spjallað hehehe, ekki leiðinlegt það.
Fram undan eru tónleikar hjá Gunnlaugi og Markúsi Inga. Fótboltmót hjá Markúsi á Skaganum, held að það sé núna næsta laugardag.
Nú þyfti ég að reyna að klára þessa grein sem ég er að skrifa fyrir uppeldi, hvernig það er að vera íþróttamamma.

Kveðja Lauga

Tónleikar í dag

2008-05-07T22:32:00.004Z

Í dag spilaði Stulli minn á tónleikum, þarna voru krakkar sem eru búin að vera læra hjá henn Dagnýju í vetur. Og Stulli var eini nemandinn sem spilaði 2 lög. Mamman ekkert smá stolt og því vil ég deila því með ykkur.

14 ár í dag

2008-05-07T16:00:00.002Z

Svakalega er tíminn fljótur að líða. Í dag er ég búin að vera gift í 14 ár. Veit ekki alveg hvað það þýðir hummmm, júbb það heitir víst fílabeinsbrúðkaup hahahaha.
Sett þetta inn svona fyrir ykkur, þannig að við séum öll með þetta á hreinu.

Hjúskaparafmæli:

1 árs: Pappírsbrúðkaup

2 ára: Bómullarbrúðkaup

3 ára: Leðurbrúðkaup

4 ára: Blóma- og ávaxtabrúðkaup

5 ára: Trébrúðkaup

6 ára: Sykurbrúðkaup

7 ára: Ullarbrúðkaup

8 ára: Bronsbrúðkaup

9 ára: Leirbrúðkaup/pílubrúðkaup

10 ára: Tinbrúðkaup

11 ára: Stálbrúðkaup

12 ára: Silkibrúðkaup

12½ ára: Koparbrúðkaup

13 ára: Knipplingabrúðkaup

14 ára: Fílabeinsbrúðkaup

15 ára: Kristalsbrúðkaup

20 ára: Póstulínsbrúðkaup

25 ára: Silfurbrúðkaup

30 ára: Perlubrúðkaup

35 ára: Kóralbrúðkaup

40 ára: Rúbínbrúðkaup

45 ára: Safírbrúðkaup

50 ára: Gullbrúðkaup

55 ára: Smaragðsbrúðkaup

60 ára: Demantsbrúðkaup

65 ára: Króndemantsbrúðkaup
70 ára: Platínubrúðkaup/járnbrúðkaup

75 ára: Gimsteinabrúðkaup/atómbrúðkaup

Kveðja Lauga

Inflúensa og árshátíðar

2008-04-18T21:48:00.002Z

Nú er komið að árshátíðum, og það tvær helgar í röð. Á morgun er árshátíð skátakórsins en á undan ætlum við að halda 10 ára afmælistónleika kórsins, ætla bara rétt að vona að ég hafi úthald í herlegheitin, þar sem ég er búin að liggja í inflúensunni í viku. Fór samt í gær og fjárfesti mér í kjól, maður verður að lúkka sem best á svona kvöldum. Næstu helgi verður árshátíð hjá ÍTR og ætla að nota kjólinn aftur :-), þetta er nefnilega ekki einnota kjóll hahahahaha.
Bíð svo heftir því að það verði haft samband við mig, GULU hanskarnir bíða eftir að komast í notkun.

Bakarameistari

2008-04-05T19:43:00.002Z

Engin smá húsmóðir, ákvað að prufa að baka kleinur, eitthvað sem ég hef aldrei gert áður :-).
Gekk líka þetta rosa vel að annað eins hefur ekki heyrst til borga eða byggða hahahaha.
Það kom hingað ungur drengur í dag og spurði mig hvað ég væri að gera, alveg hissa yfir þessu atferli hjá mér, því hann var hérna hjá mér seinustu helgi og þá var ég að baka bananabrauð og bananaköku. Svo fór hann til Markúsar og sagði við hann, svakalega ert þú heppinn mamma þín er alltaf að búa til eitthvað gott.
Þannig hafið þið það, þess vegna er ég bakameistari og ekki einu sinni menntuð sem bakari, en ég held að ég sé útskrifuð sem mamma og það með ágætis einkunn.

Síðast helgi marsmánaðar

2008-03-30T10:52:00.002Z

Nú er bara að koma skattaskýrslunni á koppinn og senda. Frestur að renna út, en þetta mun alveg takast.

Búin að skella upp bloggsíðu fyrir ættarmótið í sumar og ég sem kemst ekki einu sinni á ættarmótið en ég mun sjá allar myndirnar og átta mig þá kannski á því hverjum ég er skyld.
http://dala.blog.is

Kveðja

Páskahelgin gengin í garð

2008-03-22T18:17:00.002Z

Hérna bíða allir eftir að sunnudagur renni upp, þá þarf maður ekki að fá samviskubit yfir súkkulaði áti. Annars er allt fínt að frétta af okkur, ég fór reyndar uppí Borgarnes á miðvikudaginn með frænkunum að sjá Brák, mæli eindregið með því stykki, er enn með verk í kinnunum eftir allan hláturinn. Var reyndar líka í Borgarnesi í dag, þar sem við hjónin mættum með kerru til að taka rúmið hennar ömmu. Stefnt er að því að pússa það upp og það mun fara niður til Gulla. Einnig er ég komin með gamlan skáp sem líka á að pússa upp hehehe, jebb ég stend í stórræðum, vonandi mun þetta ganga upp hjá mér.

Hilsen í bili og Gleðilega Páska
Laugan

Síðast liðnir dagar

2008-03-18T23:29:00.003Z

Nú er sko aldeilis búið að taka á því, bara í þessum mánuði er ég búin að fara 2 sinnum norður til Akureyrar og í bæði skiptin á fótboltamót og 1 sinni á Selfoss á handboltamót og svo á morgun er ég að fara upp í Borgarnes með frænkunum á Brák. Og þetta er ég að fara þrátt fyrir hækkandi bensínverð. En hvað um það, það verður örugglega rosalega gaman. Svo verður stoppað í íbúðinni hennar ömmu þar er eitthvað að dóti sem við frænkurnar eigum að fara yfir og taka ef okkur langar í eitthvað. Ekkert smá skrítið en svona er víst lífið og ég er einhvern vegin ekki að sætta mig við þetta. AAArrrggg. Live sucks sometimes.

Flott mynd af Markúsi með silfur medalíu.

Vantar far fyrir Markús til Akureyrar

2008-03-10T20:33:00.002Z

Meira og minna allt flug upppantað til Akureyrar næsta föstudag. Markús þarf að vera komin fyrir kl.15, er einhver á leið norður??? og verður komin fyrir kl 14.30.
Veit ekki alveg hvernig þetta á að púslast saman.

Skipulag helgarinnar

2008-03-07T21:44:00.003Z

Jæja þá er helgin gengin í garð og hver mínúta skipulögð. Strákapartý Markúsar búið og ef heilbrigðisnefnd borgarinnar hefði mætt á svæðið þá hefðu þeir örugglega rýmt svæðið, svakalega geta strákar verið með mikinn hávaða. Það suðar í eyrunum á mér. Á morgun á Markús reyndar afmæli en við verðum á Selfossi á handboltamóti, þar sem Stulli verður að keppa. Og svo verður að sjálfsögðu kíkt til Ingu frænku. Sunnudag verður síðan fjölskylduafmæli. Segið svo að ég geri ekki neitt.

Frábærir tónleikar

2008-02-24T21:29:00.002Z

Fór á frábæra tónleika nú í kvöld, þetta var einskonar bænastund í Digraneskirkju. Þar var hún Erna Kirstin Blöndal með hreint út sagt heillandi söng, þar söng hún um sorgina og vonina, einnig lífið. Þetta var rosalega gott fyrir sálina, reyndar fékk ég tár í augun þegar hún söng síðasta sönginn, en það var bæn sem amma fór alltaf með og lærði þegar hún var lítið og kenndi mér síðan.
Hollt og gott fyrir sálin og hugann.

Afmælisveislan búin

2008-02-22T21:37:00.002Z

Veislan búin og hver hefði trúað því að strákar gætu verið rólegir og engin læti, hef bara aldrei upplifað svona rólegt afmæli. Keypti óheyrilegt magna af pizzum þannig að hér verða pizzur næstu daga. Haukur áætlaði of mikið, þannig að nú er ég með 3 auka pizzur, og hvað er ég búin að skrifa þær oft ???? Við nennum ekki í partýið sem er í kvöld, enda kallinn að ná sér eftir flensu og ég þarf að mæta ræktina í fyrramálið.
Svo er það með að eiga rólega helgi, mér ætlar ekki að takast það........... aaaarrrrgggg, kannski að ég ná að taka sunnudagskvöldið rólega

Afmælisveisla

2008-02-21T21:57:00.002Z

Á morgun verður haldin afmælisveisla fyrir Sturlaug, stráka/pizzupartý með snakki og alles, verð alveg að viðurkenna að ég hlakka ekki til, 10 ofvirkir fótboltastrákar . Kannski að ég láti mig hverfa og leyfi Hauki bara að sjá um þetta, enda munu karlhormónin svífa um heimilið.

Enn hefur Frú/Fröken nafnlaus ekki gefið mér nein hint um hver hún er, endilega láttu heyra í þér.

Frú/fröken Nafnlaus

2008-02-18T19:58:00.002Z

Hver ertu?? þú mátt alveg gefa upp upphafstafinn í nafninu þínu!!!!!!

Annars er allt gott að frétta af okkur hérna á nesinu, og eins og vanalega er alltaf nóg að gera hjá okkur. Er reyndar farin að bíða eftir fríhelgi, það er endalaust eitthvað að gera hjá okkur skötuhjúum, ef það er ekki handboltamót þá er það fótboltamót, starfsdagur, þorrablót þá er það bara eitthvað annað. Bíð eftir að komast norður. Ætla þá að stoppa á hinu Nesinu á leiðinni til baka.
Nóg af mér og komið að honum Sturlaugi mínum hann verður 11 ára á morgun, svakalega er tíminn fljótur að líða og svo strax í næsta mánuði þá verður Markús 9 ára og mér finnst svo stutt síðan að þeir voru pínulitlir. Hvert fór tíminn eiginlega??

Tilfinningaflækjur

2008-02-11T11:50:00.000Z

Hvernig stendur eiginlega á því að tilveran fari öll í hnút við það eitt að heyra í frænda sínum. Heyrði í frænda mínum í gær og minningar flutu fram eftir samtalið og tárin streymdu. Hvenær ætlar þetta eiginlega að hætta?

Lifið og tilveran

2008-02-07T22:30:00.000Z

Þrátt fyrir veður ofsan sem geysað hefur um land allt, þá hefur ekkert farið úr skorðum hjá mér og mínum. Vinna, fundir, fjölskyldan og ræktin, held að ég standi mig alveg ágætlega í ræktinni, er reyndar að finna vöðva sem ég bara vissi ekki að væru til, (ekki hjá mér), en allt gott og blessað með það, ég verð vonandi flott í sumar.
Á mánudaginn fór ég til miðils, svona til að vita allt um gagn og nauðsynjar í komandi framtíð.
Það sem ég fékk að heyra voru svona hálfgerðar skammir frá honum afa mínum (Jóa afa), þar sem hann sagði mér að hætta tuða og skammast í honum Gulla mínum með heima námið, hann væri þarna að hjálpa honum við lærdóminn og svindla á prófum (Kvísla að honum svörum), og afi sagði líka, að þegar hann var á lífi hefði hann ekki verið ofaní hvers manns koppi, en nú hefði hann tíma til þess hahahaha. Svo var mér tilkynnt það að ég ætti eftir að koma með stelpuna, hvað er þetta eiginlega með fólk? finnst því ekki nóg að ég er komin yfir vísitölufjölskylduna 2,3 börn per fjölsk. Ég sagði henni að ég ætlaði að bíða bara eftir barnabörnunum og svo bætti hún því við að eiginlega ætti ég að vera kennari, ég væri með það í mér. Nú verður hver að dæma fyrir sig.

Undirbúningur

2008-01-27T09:49:00.000Z

Sælt veri fólkið
Nú er ég búin að panta miða fyrir okkur frænkurnar á "Brák", þannig að eftir allt saman verður næsta frænkuboð/kvöld í Borgarnesi. Þar sem við erum flestar ef ekki allar aldnar upp við söguna af Brák, þá verður gaman að sjá þetta stykki um þessa mögnuðu konu sem lét lífið í Brákarsundi. Amma hafði marg oft sagt mér og líka frænkum mínum um Brák með miklum tilþrifum og innlifiun, þannig að ég er búin að búa til mynd í huga mínum, hvernig hún var og hvernig karakter hún var, vona bara að ég verði ekki fyrir vonbrigðum.

Nýtt líf

2008-01-20T21:16:00.000Z

Já nú er sko nýtt líf byrjað á heimilinu, ég fjárfesti í ryksugu, þetta er sko ekki nein venjuleg ryksuga, ég mun sko ekki svitna lengur við þetta leiðinlega heimilisverk, þetta er robot, nú ýti ég bara á 1 takka og elskan byrjar og ég horfi bara á (yyyyeeeessss). Luxus líf ekki satt. Þið megið alveg öfunda mig.
Heilsufarið hjá fjölskyldunni hefur ekki verið uppá marga fiska, það eru bara allir að veikjast í kringum mig og reyndar ég líka. Helv........ flensudjöf...... í morgun skreið Markús upp í til mömmu sinna og sagði; mamma ég held að ég sé lasinn, ég hósta svo asnalega, júbb viti menn drengsi kominn með hita og ljótann hósta og vill bara grænan frostpinna, það er sko allra meina bót, eða það segja strákarnir á þessu heimili.
Annars er það að frétta af tengdamömmu að hún er öll að koma til, en eins og ég virðist segja núna reglulega er að "Góðir hlutir gerast hægt", held að það séu orð með sönnu.
Mig langar að skella mér upp í Borgarnes og sjá BRÁK. Ætli það sé ekki best að fara að panta miða.

Góðir hlutir gerast hægt.

2008-01-12T17:15:00.000Z

Ég er farin að halda að ég sé að verða fastagestur á Borgó, ég var með annan fótinn þar í nóvember hjá ömmu og Laugu frænku, núna er tengdó orðin veik, lögð inn með hraði þann áttunda jan. sem betur fer virðist hún ætla að ná sér :-).

Afmælisdagur :)

2008-01-07T22:43:00.000Z

Jæja þá er afmælisdagurinn að verða búinn, og það er sko búið að vera nóg að gera hjá mér í dag. Fyrir utan það að mæta í vinnu, þá var stjórnarfundur hjá mér kl.6 þannig að ég var ekki komin heim fyrr en tæplega 8 og þá átti ég eftir að finna fötin til að komast í ræktina. Já ég sagði ræktina, nú er ég byrjuð og það var sko púlað í 90 mín. svakalega var það gott. Sem sagt ekkert með fjölskyldunni, en ég mun bæta henni það upp.

Gleðilegt nýtt ár og takk fyrir það gamla.

2008-01-05T23:12:00.000Z

Kæru vinir og vandamenn nær og fjær, vil óska ykkur gleðilegs árs og takk fyrir það gamla.
Hef reyndar ekkert mikið að segja svona snemma á nýju ári, nema að við tókum á móti nýju ári með veikindum nokkur hér í fjölskyldunni :( . Ekkert gaman að því en svona er það nú samt.
Sett inn fullt af myndum sem við tókum um jólin og milli jóla og svo gamlárskvöld.

Upprifjun frá jan til des 2007

2007-12-31T00:15:00.000Z

Nú er þetta viðburðarríka ár að enda, einungis nokkrar klukkustundir eftir af því. Alveg ótrúlegt hvað árið er fljótt að líða, mér finnst sumarið bara ný búið og strákarnir byrjaðir aftur í skólanum. En ef litið er yfir farinn veg þá er ég búin að vera á fullu, ég fór 2 sinnum á árinu til Köben, fullt af fótboltamótum, vestfirði í sumarfrí og margt fleira. Ég þurfti nú að renna aðeins yfir bloggið mitt og sjá það svona helsta hvað ég hef verið að gera á árinu. Er víst að gleyma reunion-inu sem ég var í að skipuleggja fyrirpart ársins og gekk bara vel. Reyndi svo að fylgja strákunum í tónlistarnáminu og öllu því sem þeim fylgir, held að það hafi gengið líka vel, þeir eru reyndar en að, þannig að eitthvað hef ég gert rétt, hahahahaha, við hjónin lítum út fyrir að vera góð til undaneldis ef við komum þannig að orðum.
Nú segi ég bara GLEÐILEGT ÁR OG TAKK FYRIR ÞAÐ GAMLA.

Gleðileg jól

2007-12-25T11:47:00.000Z

Jólin eru hátíð ljós og friðar, reyndar áts líka, dag eftir dag er maður að borða eitthvað góðgæti og svo bættust 3 konfektkassar í safnið í gærkveldi, þannig nú verður borðað og borðað og borðað pínu meira.
Annars verða þetta fín jól hjá okkur, verðum heima alla dagana, fólkið kemur bara til okkar. Luxus um jólin hhhmmmmmm.
Hafið það sem allra best um jól og áramót.

10 dagar til jóla

2007-12-14T22:50:00.000Z

Nú er aldeilis farið að styttast til jóla, búin að baka eina sort, piparkökudeigið komið inn í ískáp og bíður eftir við fletjum það og búum til skemmtilegar fígúrur, hver veit nema að maður baki meira svo á morgun.

Hilsen

Minningarorð

2007-12-01T00:10:00.000Z

Elsku amma, nú er víst þinn dagur að kveldi kominn og þú búin að kveðja þennan heim. Eftir sitjum við, með sorg í hjarta og söknuð. Það er skrítið að sitja hér og hugsa um að þú sért farin frá okkur, minningarnar flæða fram en samt er erfitt að setja þær niður á blað, þær eru svo margar og svo stórbrotnar að ég á erfitt um vik. En okkar síðasta samtal er mér efst í huga, þar sem ég hringdi til þín á afmælisdegi afa og við spjölluðum hátt í 2 klukkustundir, um allt og við vorum einmitt að rifja upp mína fyrstu daga sem ég var hjá ykkur afa, og svo allar mínar stundir sem ég átti hjá ykkur eftir það, ég verð að segja að betri ömmu getur enginn átt. Þú varst alltaf tilbúin að tala og leiðbeina ef leitað var til þín og jafnvel án þess að beðið væri um hana. Amma þú varst stoð mín og stytta og fyrirmynd, þú varst alltaf til staðar og alltaf var gott að koma til þín, nú verður skrítið að keyra í gegnum Borgarnes og vita að þú ert ekki þar, en alltaf varð ég að stoppa og faðma þig, spjalla og fá kaffisopa áður en lengra var haldið. Þú varst stórbrotin og glæsileg kona, þú hafðir skoðanir á öllu og það var eins og þú vissir allt, alveg sama hvar að var komið, ættfræði var þér hugleikin og gaman fannst þér að rekja þig aftur í gegnum ættirnar, ég sagði eitt sinn að þú værir góð í öllu, en svarið sem ég fékk var, nei Lauga mín, það er ég ekki, stærðfræðin hefði ekki verið þitt besta fag, þar sem þú hefðir ákveðið að eiga ekki fleiri en 2 börn og þau hefðu orðið 7, þessu gátum við hlegið af.

Elsku amma nú er kominn tími til að kveðja, ég veit að heil hersing hefur tekið á móti þér, megi þú hvíla í friði amma mín.

Láttu nú ljósið þitt.

Loga við rúmið mitt.

Hafðu þar sess og sæti,

signaði Jesús mæti.

Þín sonardóttir Sigurlaug Björk

Góða ferð amma.

2007-11-21T05:14:00.000Z

Nú hefur amma kvatt okkur. Kona sem lifði lífinu til fullnustu, kona sem var allt, mamma,amma,langamma,vinur,sálufélagi,ráðgjafi og svona mætti lengi telja.

Ó, vef mig vængjum þínum,
til verndar, Jesú, hér.
Og ljúfa hvíld mér ljáðu,
þótt lánið breyti sér.
Vert þú mér allt í öllu,
mín æðsta speki' og ráð,
og lát um lífs míns daga
mig lifa' af hreinni náð.

Tak burtu brot og syndir
með blóði, Jesú minn.
Og hreint mér gefðu hjarta
og helgan vilja þinn.
Mig geym í gæslu þinni,
mín gæti náð þín blíð,
að frið og hvíld mér færi
hin fagra næturtíð.

Góða ferð amma
Kveðja Lauga

En eru veikindi í gangi

2007-11-17T20:45:00.000Z

Í vikunni fékk ég þær fréttir að Lauga frænka hafi fengið heilablóðfall, en sem betur fer hefur það gengið að mestu til baka, degi seinna fékk ég símhringingu aftur og nú er það hún amma mín, besta kona í heimi, sem hægt er að leita til í öllu.
Elsku amma megi guð hjálpa þér, minn hugur er hjá þér öllum stundum.
Bænin til ömmi

Láttu nú ljósið þitt.
Loga við rúmið mitt.
Hafðu þar sess og sæti,
signaði Jesús mæti.

Kveðja Lauga

Veikindi dýra

2007-11-09T17:05:00.000Z

Það er dýrt að vera með dýr, hundurinn okkar hann Petró er veikur og þurftum við að fara með hann til dýralæknis í morgun, 12 þúsund kall takk fyrir. Í morgun þá gat hann ekki stigið í aftur fæturnar og dróg sig eiginlega áfram á framlöppunum, þannig að við brunuðum með hann til doktorsins til að líta á greyið, greindist hann með hita og bólgur og svo eitthvað að blöðruhálskirtlinum, það er víst eitthvað sem gamlir hundar fá og Petró er bara 1 og 1/2 árs gamall, þannig að hann er kominn á sýklalyf og bólgulyf. Við vonum það besta og höfum það rólegt heima. :-)
Svo er það ég, jebb nú er ég búin að taka þá ákvörðun að hætta að reykja og komin á þessi fínu lyf, sem eiga að draga úr löngun til að reykja, 3ja mán prógramm hjá mér, jey.
Reykingar mjög heilla rafta, rettuna færi ég Skafta, fáðu þér smók og sopa af kók, sjúgðu´í þig kosmískakrafta.......................... texti Stuðmanna.
16 dagar í Köben hahaha allir að telja niður.
Hilsen

Eitt sinn skáti ávallt skáti

2007-11-03T10:54:00.000Z

Jebb nú eru komin 26 ár síðan ég byrjaði í skátunum, ekkert smá langur tími. Hver hefði trúað því að ég myndi endast svona lengi í þessu starfi!!! ekki mamma mín, hún hafði enga trúa á þessu athæfi dóttur sinnar, ég æfði sund í nokkur ár, dans frá 4 ára aldri til 13 ára, svo var það jazzballet og frjálsar yfir sumartímann, þannig að ég er ekkert hissa á mömmu að halda að ég myndi ekki endast í skátunum. En það sem hún vissi ekki að ég dóttir hennar hafði virkilega gaman af svona starfi og viðhorfum sem skátarnir kenna og leggja upp með, skáti er hjálpsamur, skáti er stundvís, skáti er dýravinur og allt það sem á eftir kemur. Og í dag er ég enn viðloðin skátastarfið, ekki svona beint, heldur er ég búin að vera í skátakórnum síðan 1996 og sit í stjórn skátasambands Reykjavíkur. Ég vona svo sannarlega að uppeldi mitt á drengjunum litist af þessari upplifun minni.

Sigling um Viðeyjarsund

2007-10-29T21:33:00.000Z

Mér var boðið í siglingu í dag/kvöld með frænda mínum og bróður hans, þetta var bara æðinslegt enda veðrið frábært, þrátt fyrir að það væri kalt, þá var lyngt í sjóinn og friðarsúlan skartaði sínu fegursta. Með í för voru strákarnir mínir, þeir Markús og Stulli og svo strákurinn hans Sverris hann Máni, ekki má gleyma siglingameistaranum honum Óla. Strákar takk kærlega fyrir okkur.

Veturinn er kominn :-)

2007-10-28T22:19:00.000Z

Nú er veturinn genginn í garð,mætti með frosti og öllu tilheyrandi.
Þessa helgi var ég búin að ákveða að taka því rólega, vera bara heima og taka til og ekki fara neitt. Mér tekst hins vegar ekkert í þessum þrifum, það er svo sem allt í lagi þetta hleypur ekkert frá mér. Fór á handboltamót hjá Sturlaugi á laugardag og svo í göngu í heiðmörkinni í dag, enda ekki hægt að vera inni í svona góðu veðri að þrífa.
Ég frétti líka að það er verið að undirbúa Ættarmót hjá minni fjölskyldu næsta sumar og það lítur útfyrir að ég verði ekki með þetta skipti, ég bara veit ekki hvernig ég á að höndla það. !!!!!
Þetta er svona hópur sem þú vilt ekki missa af, það hefur alltaf verið svo gaman og mikil gleði í þessum hópi, sungið, trallað og tjúttað. Og að öllum líkindum verð ég í Evrópu á þeim tíma, eða í júlí ef allt fer á þann veg. Mér finnst að ættarmótið eigi að vera í seinni part júlí eða ágúst.

Nýjar myndir á myndavefnum.

Blogg blogg blogg

2007-10-23T22:40:00.000Z

Nú eru bara allir byrjaðir að blogga, Sigga sys er byrjuð og ætlar að halda úti síðu á meðan hún er í danaveldi. Þar ætlar hún að vinna í 1 mánuð eitthvað tengt lögregluskrifstofunni!!!!! veit ekki alveg, en held að hún ætli að taka út hvernig þeir séu í skotvopnadeildinni, en hún er í einhverju því líku hér. Ég ætti að athuga eitthvað svona, sjá hvernig þeir haldi utan um greiðslukerfi hjá bílastæðasjóði í Danmörku hahhahahaha, gæti verið gaman að fá danskan almúgann yfir sig til að rífa kjaft af því það druslaðist ekki til að borga í mælirinn og þá gæti ég sagt, jeg kan ikke forstå dig, jeg kan ikke snakke dansk, best að fari að athuga máli.

Fólk er hræðslupúkar!!!!!!!!!!

2007-10-10T22:01:00.000Z

Hvað er eiginlega með fólk sem þorir ekki í óvissuferðir? Málið er þannig, að ég er búin að vera undirbúa óvissuferð fyrir vinnuna og í dag þurfti ég að afpanta hana, vegna dræmrar þátttöku hmmm, jebb svona er þetta - það komu sko ýmsar kvartanir, ég er með kvef og veit ekki hvort það verði farið þarna 20.okt, einmitt alskonar búlshit. Ég ákvað ásamt mínum yfirmanni að snúa kvæði okkar í kross, blása af óvissuferðina og skella á árshátíð í staðin, þar sem allir vita nákvæmlega hvert þeir/þær eru að fara, og viti menn það eru fleirri komnir á listann og allt í einu getur maðurinn farið á árshátið þrátt fyrir að vera með kvef(hann neitaði að fara í óvissuferðina v/kvefs) og árshátíðin er sama dag og óvissuferðin átti að vera. Ég vona bara að ég þurfi ekki að afpanta borðið á Hótel Sögu og showið.

2007-09-29T22:03:00.000Z

Laugardagur að kveldi kominn og fátt lítið að gerast, Celloæfing búin í dag, nú þurfum við Markús að fara yfir æfingarnar á hverjum degi, æfingin skapar víst meistarann og því ekki seinna að vænta en þrotlausar æfing. Ég þarf að mæta og læra með drengnum, þar sem hann getur stundum verið þver, veit ekki hvaðan hann hefur það, held að hann hafi það ekki frá mér!!!! Ég þarf ekki að vera svona með Stulla, en það er gaman að kynnast nýju hljóðfæri og gott fyrir okkur að glíma við það.

Nú er ég að reyna að skipuleggja dekurdag fyrir mig og Gurrý, ætla að reyna að fá nuddtíma fyrir okkur næsta laugardag svo fáum við okkur eitthvað gott að borða.

En fyrst þarf ég að reyna að finna tíma til að setja niður haustlaukana sem ég keypti til að setja niður hjá Sindra og Gulla bró, ég er að þykjast vera með græna fingur, þess vegna er fínt að setja niður haustlauka, lítið að hafa fyrir því.

Ég er búin að finna drauma húsið mitt, það versta við það er að enginn í fjölskyldunni vill flytja, svo væri nú líka betra að vera með vinnu þar sem þetta hús er. Dalur er til sölu, það er hús í Borgó sem amma mín er uppalin í, það var víst langalangaafi minn sem byggði þetta hús árið 1906, þá var langafi minn 14 ára og langamma bara 5 ára, sem sagt hús með mikla fjölskyldusögu. Ég skil bara ekki í strákunum mínum að vilja ekki flytja. Þetta er er svo flottur staður. Hvað finnst ykkur???

Saga dagsins

2007-09-28T22:18:00.000Z

Ég vinn með yndislegum manni, þetta er maður sem gekk undir því nafni að vera kallaður "Fallöxin", ég bara skil ekki afhverju, þar sem hann er alveg yndislegur og vinnur vinnuna sína mjög vel. Fyrir utan það, þá kallaði hann á mig í morgun og sagði mér hvað ég væri heppin, ég sagði nú svo vera en afhverju spurði ég, nú sagði hann ég geymdi fyrir þig fullan poka af laufblöðum, ha fullan poka af laufblöðum sagði ég, já sagði hann ég frétti að þú færir að safna þeim fyrir drenginn þinn. Við þetta sprakk ég úr hlátri og hló mig vitlausa þar til tárinn runnu niður. þannig er nefnilega mál með vexti að Markús Ingi átti að safna 10 laufblöðum af mismunandi gerð og lit, þetta var svona haustverkefni, og mamman fann nokkur flott laufblöð á mánudaginn og starfsfólkið spurði mig hvað ég væri að gera með laufin, nema það að þessi yndæli maður tók því þannig að ég væri að safna heilum helling fyrir skólann og ætlaði bara að hjálpa mér í þeim málum. Segið svo að það vinni ekki gott fólk hjá Bílastæðasjóði. "En fullan poka"!!!!

Strætóferð

2007-09-17T21:48:00.000Z

Jú jú ég tók strætó í kvöld, sem er reyndar ekki merkilegt í sjálfu sér, nema þá kannski að mér finnst að bílstjórinn ætti að taka prófið aftur, ég held að hann hafi brotið flestar umferðareglur á þessari leið sem hann keyrði.
Þar sem ég þurfti að fara á fund í dag eftir vinnu, upp í Árbæ og Haukur með bílinn þá er bara ekkert annað en að taka strætó, sem er bara gott og blessað, sitja í rólegheitum í 40 mínútur, eða þannig hugsaði ég það. Eftir fundinn fékk ég vin minn til að keyra mig í mjóddina þar sem ég gæti tekið strætó beina leið heim (upp að dyrum) með leið 11. Er ég var kominn inn í vagninn, þá gaf bara bílstjórinn í botn, ekkert verið að hægja á sér í beygjum og hann var sko langt yfir hámarkshraða, maður mátti hafa sig allan við að halda sér í sætinu, ekki nóg með það þá keyrði hann í veg fyrir 1 bíl og var nærri því búinn að keyra niður 2 stelpur, og kallinn var bara á flautunni. Eftir að hafa setið í vagninum í 30 mín, þá koma inn 2 gamlar konur sem varla stóðu í fæturnar og ekki bætti það úr skák að þegar þær voru búnar að borga þá lagði kallinn af stað og þær áttu í erfileikum með að setjast í sætin, kerlingar greyin voru dauðskelkaðar á aksturslaginu þar sem hann brunaði yfir hraðahindranirnar og ég get líka alveg sagt það að ég var mjög fegin þegar ég steig út úr vagninum. Strætóferðin sem ég sá í hyllingum sem rólegheitaferð var frekar ferðu upp á líf og dauða. Held að það ætti að standa á stýrinu í strætó "Hraðinn drepur".

Búin að skella inn myndum

2007-09-10T14:10:00.000Z

Hef lítið að segja þessa dagana, bara nóg að gera eins og vant er.
Nema að ég er búin að skella inn fullt af myndum á nýja myndavefinn, hérna hægra megin, endilega kíkið á þær.
Kveðja frá mér í letikasti.

Til hamingju með daginn.

2007-08-23T22:23:00.000Z

Amma mín á afmæli í dag, orðin 87 ára og hress miða við aldur. Þetta er besta amma í heimi og ég veit ekki hvar ég væri í dag ef ég hefði ekki haft ömmu og afa. Ég hef alltaf getað leitað til hennar og talað við hana um allt. Hver vildi ekki eiga slíka ömmu, sem alltaf hlustar og rökræðir við mann um allt og ekkert. Ég var um 3ja ára þegar ég kom first til þeirra, veik í þokkabót, grenjaði út í eitt og enginn gat huggað þessa litlu stúlku (ég man sko eftir þessu), langamma var þarna og Ransý frænka og amma en afi var í vinnunni, amma, langa og Ransý reyndu að kæta mig en ekkert gekk, guð hvað ég held að ég hafi verið leiðinleg og þreytandi, svo mætir afi minn á svæðið og viti menn, þessi litla stúlka (ég) hljóp í fangið á þessum stóra og dásamlega manni, sem hún hafði aldrei séð áður. þetta eru sko firstu skrefin mín á heimili ömmu minnar og afa, ekki var aftur snúið með heimsóknir mínar þangað, í hlýjuna í afa og ömmubóli. Ekki má gleyma því þegar amma leyfði okkur stelpunum að mála sig og gera hana fína með alls kyns hárgreiðslum og lagningum, ef ég myndi spyrja hana í dag hvort ég mætti mála hana og laga á henni hárið, þá er ég alveg viss um að hún myndi segja já.

Svo amma til hamingju með daginn megi hún lengi lengi lifa. Elska þig út af lífinu.
Kveðja Lauga

Maraþon og menningarnótt

2007-08-19T13:06:00.000Z

Jæja nú skrifa ég aftur og bara liðnir nokkrir dagar síðan ég skrifaði síðast. hahahaha (ein að reyna að taka sig á í skrifum).

Nú er maraþonið búið og gekk líka þetta vel, strákarnir mínir Sturlaugur og Markús ákváðu að taka þátt og hlaupa 3 km, reyndar ætlaði Markús að hlaupa 10 km en mamman sagði nei við því (fannst það full langt). Eftir miklar umræður ákváðum við að þeir myndu hlaupa fyrir Bandalag Íslenskra skáta, það þarf nefnilega líka að styðja tómstundastarf barn. Ég er ekkert smá stolt af drengjunum :) .

Svo var það menningarnóttin hmmm það eina sem við biðum eftir var flugeldasýninginn, þannig að við komum okkur bara vel fyrir á Vesturgötunni hjá Ragga og Kiddý, þar sem stórfjölskyldan hittist trallaði og grillaði ljúfengan mat. bara gaman.

Svo næstu helgi er það ball ársins á nesinu "Stuðmannaballið" það eina og sanna og svo helgina þar á eftir er Ljósanótt í Keflavík.

Hmmm ég gleymi víst alveg það sem kemur á undan þessu öllu saman, Skólinn er að byrja og það núna á þriðjudaginn hjá drengjunum og þeir eru farnir að bíða. Hélt að ég ætti ekki eftir að upplifa það.

Myndur frá maraþoninu eru komnar inná myndasíðuna.

kveðja Lauga

Komin tími til

2007-08-10T18:12:00.000Z

Það er víst kominn tími til að blogga eitthvað, við erum á lífi, gott að byrja að segja frá því híhíhí
Nóg hefur verið að gera hjá okkur í sumar, eins og áður hefur verið skrifað, þá fór Gulli út til Austurríkis í júní, þar sem hann var hjá frænku sinni henni Evu Björk. Markús Ingi tók þátt í fótboltamóti á Skaganum og við foreldrarnir keyrðum á milli, því við fórum í brúðkaup þann laugardag sem mótið var. Erla og Gunnar Már frændi voru að gifta sig og svakalega var gaman að vera með þeim. Svo kom næsta fótboltamót sem Stulli var að spila á og með nokkra daga fyrir vara var Markús beðin um að spila með 6 flokki í Vestmannaeyjum, þannig að þá viku var í tvöföld fótboltamamma í eyjum og líka yfirfararstjóri. (ég hef aldrei neitt að gera hahaha).
Svo var að sjálfsögðu verið í vinnu þangað til í júlí (24) en þá fórum við í sumarfrí og nú erum við bara með tærnar upp í lofti og reynum að njóta þess að vera í fríi.

kv. Lauga sem hef aldrei neitt að gera, talið bara við mig og ég segi nei.

Einkunnir á morgun

2007-06-07T18:59:00.000Z

Á morgun koma einkunnirnar í hús, og strákarnir að detta inní sumarfrí. Ég verð víst að vinna fram í miðjan júlí áður en ég kemst í frí.
Nú er Gulli búin að vera tæpa viku í útlandinu, hann lenti í Austurríki á sunnudaginn var og er búinn að fara 3 sinnum á McDonalds, ég veit að í dag fer hann ekki þangað, því fjölskyldunni var boðið í mat hjá foreldrum Reiners híhíhí, enginn skyndibiti þar.
Annars er ég búin að heyra í honum alla dagana sem hann er búinn að vera þarna, skypið er snilld, er bara með drenginn í beinni, þannig að þetta er ekki eins erfitt og ég hélt að þetta yrði, verð nú að viðurkenna að ég var með tárin í augunum þegar ég kvaddi hann á Kastrup á sunnudaginn, erfitt að horfa á eftir frumburðinum fara út í svona svaðilför að mínu mati, en ég veit að hann er í góðum höndum hjá Evu og Reiner.

Komin heim frá kóngsins Köben

2007-06-03T18:43:00.000Z

Nú er Gulli minn kominn til Austurríkis, á föstudaginn eftir próf hjá honum, lögðum við í hann til Kóngsins Köben, þar sem við gistum hjá Hjalta og Agnesi. Við vorum bara askoti dugleg, ákváðum að vera menningarleg og nota bara strætó og lestina, og viti menn það var sko ekkert mál og pottþétt ódýrara. Fengum reyndar fín ráð hjá Hjalta og Agnesi, allt frá A til Ö, þannig að klippikort var keypt og mikið notað :) .
Gulli var reyndar búinn að skipuleggja ferðina hjá okkur í danaveldi, föstudag: flug, lestarferð frá flugstöðinni á lestarstöðina, Hjalta tekur á móti okkur, strætóferð heim til Hjalta, sofa. Laugardagur: vakna, strætóferð á strikið, innkaup, út að borða á Jensen's Bufhus, tivolí, heim að sofa. Sunnudagur; vakna, strætó og lestarferð á flugvöll, flug til Austurríkis. hahah svona var planið hjá Gulla. Og það var sko farið eftir því, þetta var bara fín ferð hjá okkur, nema ég er komin til Íslands og Gulli kominn til Austurríkis. Það verður gaman að fylgjast með hvernig ganga mun hjá honum.

Reunion, tónleikar, fótbolti og dansýning

2007-05-26T10:28:00.000Z

Nú hef ég frá mörgu að segja, jáhá það er sko búið að vera mikið að gera á stóru heimili eða bara hjá mér. Nú er reunionið búið og það tókst frábærlega, kennarar í Austó tóku vel á móti okkur, þangað mætti 33 fyrrum nemendur. Við byrjuðum á því að hittast inná kennarastofu, svona til að mingla, síðan var farið í salinn, þar sem umsjónakennarar voru með nafnakall og grín á okkar kostnað, þá tók Elli við og tók bekkjarmynd, í sömu röð og fyrir 20 árum, vá hvað ég hlakka til að sjá þá mynd. Þá tók Pétur tónmenntakennari við og við hlustuðum á gamla upptöku af bekknum mínum síðan '83, bara snilld, síðan var farið í skoðunarferð um skólann og allir upplifðu gamlar minningar, þegar þessu var lokið var brunað út á nes í grillmat og gleði fram eftir nóttu. Vááá Lengi lifi árgangur '71

En áður en ég komst í þessi frábæru gleði var ég búin að syngja á tónleikum fyrr um daginn, þétt setin dagskrá hjá mér alla daga. Tónleikarnir tókust frábærlega enda kórinn orðinn þrusu góður.

Á sunnudaginum var svo fótboltamót hérna á nesinu, og auðvitað var ég í einhverri skipulagningu, en ég kom af stað kaffisölu fyrir 6.fl kk, þar sem Stulli er að fara til Vestmannaeyja og kostar alveg glás, þá er svoleiðis apparat "kaffisala" frábær fjáröflun, en ég var sko alveg skjálfandi á beinunum vegna þynnku, geri sko þetta ekki aftur.

Svo er það dansýningin hjá strákunum, mér finnst það frábært að dans sé kenndur í skólanum, drengirnir ekki feimnir að dansa við stelpurnar og bara flottir dansherra, og ég verð að segja að stelpurnar létu bara vel að stjórn. hehehe

jæja þetta er gott í bili.
6 dagar í danmerkurferð.
kv. Lauga

Hlaup, Kosningar og Eurovision 2007

2007-05-12T12:43:00.000Z

Þindarlausi drengurinn minn ákvað að taka þátt í Neshlaupinu, eftir miklar umræður fékk ég hann á það að hlaupa bara 3,4 km í stað 7,5 km, þar sem það var frekar mikill vindur og ekki létt að hlaupa og að ég myndi leyfa honum að hlaupa 7 km í Reykjavíkurmaraþoninu í sumar. Það verður gaman að sjá hvort hann leggi í það.

Þar sem allir drengirnir mínir hafa verið í tónlistaskólanum í vetur, þá er búið að vera mikið um tónleika og þess háttar, og þeir hafa staðið sig mjög vel og stefnt er að því að halda þessu námi áfram. Gulli á gítar, Stulli á píanó og Markús Ingi mun að öllum líkindum fara á Selló á næsta skólaári. Hægt er að sjá nýjar myndir á vefnum, af tónleikum drengjanna :-) .

Þá er komið að eurovision, var að rifja það upp að fyrir nokkrum árum, þá sat maður heima hjá Ágústu H, og horfði á herlegheitin, það var nefnilega þannig að Ágústa á afmæli í byrjun mai, ég held meira að segja að hún eigi afmæli 4 mai, en þá var keppnin alltaf í byrjun mánaðarins, þar var setið hlegið og sungið og dáðst af flottum söngvurum, mér var mikið strítt þar "nei það var ekki í fyrra heldur í hittifyrra" og þannig fram eftir götunum "nei þessi með bláu augun" híhíhí, svakalega var gaman þá. Nú er maður bara heima að horfa og dæma, og strákarnir hafa engann áhuga þessu showi.

Jæja ætli það sé ekki best að fara að mæta á kosningastað, veit bara ekkert hvað ég ætla að kjósa, ætli ég skili ekki bara auðu.

Kv. Lauga

Bruninn í Austurstræti

2007-04-20T08:44:00.000Z

Það verður að teljast sorglegt þegar hús brenna og tala nú ekki um hús með mikla sögu. Pravda, Fröken Reykjavík og Kaffi ópera urðu eldinum að bráð og við erum að tala um hús frá því um 1852 og 1801. En til að hafa langa sögu stutta þá tók Haukur frábærar myndir sem ég setti hérna inn á myndavefinn.

Ég hef ekkert við tímann að gera!!!

2007-03-21T08:37:00.000Z

Nú verð ég að fara að læra að segja nei, þetta bara gengur ekki lengur. Ég er búin að komast að því að í mínum sólarhring er ég með fleiri klst. en aðrir og ég er sko ekkert að grínast með það.

Ef ég lít yfir það sem ég er að gera öllu jafna þá er tími minn ekkert dýrmætur og ég get alltaf á mig blómum bætt.
1. Hugsa um heimili og börn
2. 100% vinna
3. Flokkráð Gróttu og fjáröflunarnefnd
4. Stunda ræktina (til að komast í betra form og fá meiri orku til að sinna öllu)
5. Undirbúningsnefnd fyrir reunion
6. sýna drengjunum mínum áhuga á þeirra tónlistarnámi og íþróttum
7. varaformaður skátasambands Reykjavíkur

Þetta er dálítið þétt setin dagskrá hjá mér, og næst þegar ég er beðin um e-ð þá ætla ég mér að segja NEI, kannski að ég þurfi að fara að æfa mig í því.

Ætla að skella mér á tónleika í kvöld hjá honum Sturlaugi og fund hjá Gróttu.

Kveðja frá geitinni :)

Stór tónleikar

2007-03-04T22:09:00.000Z

Markús Ingi tók þátt í stórtónleikum um helgina, blokkflautuhóparnir í tónlistaskólanum tóku þátt í tónleikum í Seltjarnarneskirkju, þau spiluðu með sinfóníuhljómsveit tónlistaskólans, ekkert smá flott, yfirskrift tónleikanna var íslenskt já takk, gaman að fylgjast með hvað krakkarnir eru flinkir, þetta var 2 klukkustunda prógramm, þannig að laugardagurinn var fyrir bí í undirbúningi fyrir fjölskylduafmæli.

Fjölskylduafmælið var nú samt nú í dag, þrátt fyrir lítinn undirbúning, slatti af gestum eins og gengur og gerist í svona hófum. En allir fengu nóg af veitingum og ég vona að enginn hafi farið svangur heim eftir allt átið.

Endalaus afmæli

2007-02-26T17:54:00.000Z

Nú er fjölskyldu afmæli fram undan og það að meira að segja tvöfalt, Stulli og Markús vilja fá fjölskylduafmælið, þar sem þeir fengu ekkert slíkt í fyrra vegna veikinda móður, pabbinn treysti sér ekki í slíkt athæfi. hehehehehe karlmenn !!!

Skellti mér á Selfoss um helgina á handboltamót, Stulli karlinn var að keppa, ekki gekk sem skyldi enda var þetta frekar skrítið mót, ef ég á að segja eins og er, helti ég mér yfir dómarfífl, sem að leyfði selfoss liðinu að gera allan fjandan, jafnvel ganga í skrokk á mótherjanum, og greyið Stulli minn fékk sko að finna fyrir því, ekki nóg með það að honum hafi verið hrynt niður, þá var hann líka tekinn hálstaki og dómarfíflið brosti bara af þessu, svo var einhver gutti ekki alveg sáttur við hvernig hann var, þá spurði dómarinn hann hvort að hann vildi ekki bara sjá um að dæma leikinn, á móti þar sem að fullt er af litlum guttum að keppa verða að vera almennilegir dómarar, þvi að þeir eiga að vera fyrirmynd. Ég var líka að pæla í því hvort að dómarar eigi að vera í gallabuxum og með derhúfi, þegar þeir eru að dæma.

Um helgina á ég víst dekurdag í World Class, þetta er sko allt partur af prógramminu, en ég veit ekki hvort ég get nýtt mér dekrið, á víst að mæta á tónleika hjá Markúsi Inga og svo að undirbúa þetta fjölskyldu afmæli á sunnudaginn, Afhverju eru ekki fleirri klukkustundir í sólarhringnum, þannig að maður gæti gert allt sem maður þarf að gera.

10 ára afmæli

2007-02-17T16:27:00.000Z

Þá er afmælið hans Stulla yfirstaðið, þar að segja bekkjarafmæli, ákváðum að halda herlegheitin uppí Gufunesbæ, í hlöðunni þar, í klifri og þvílíku, hamborgarar skelltir á grillið og svo bara tjillað, strákarnir sáu um að baka muffins og eina skúffuköku. Myndir munu detta inn á myndavefinn í kvöld eða á morgun, en á morgun verðum við í Keflavík á fótboltamóti, það er sko hver dagur skipulagður með einhverju aktívitedi á þessu heimili.

Síðast liðnir dagar

2007-02-14T22:23:00.000Z

Síðan að það var ákveðið að Gulli færi til Austurríkis í sumar er sko ýmislegt búið að gerast eða þannig. Um helgina fórum við skötuhjúin á skrall og það líka skemmtilegt skrall, komið heim undir morgun, vel blautur hahahaha, að þegar ég vaknaði um hádegisbil var ég bara vel í því enn. Mætti svo bara þunn í vinnuna á mánudegi , dröslaði mér í ræktina og hélt að ég myndi deyja á staðnum, vá hvað það var erfitt, en daginn eftir var mun auðveldara, nú er það bara harkan sex hjá mér í þessu átaki. Ég er sko búin að sjá fullt af fólki þarna sem ég þekki, en ég er sko ekkert að bögga það í öllum sínum svita eða þá mínum hehehehe. Ég sá litla bróður minn djöflast á einhverju hlaupabretti og svo Bjarna Torfa, kennara hérna á nesinu og fleiri og fleiri, en það er sko enginn að tala saman þarna, auðsjánlega allir að hugsa um sín mál, hlaupa á brettinu og horfa á sjónvarpið á meðan.

þetta er gott í bili, ætla að fara að skipuleggja 10 ára afmæli Stulla.

Gulli minn á leið til útlanda

2007-02-08T23:36:00.000Z

Já Gulli er á leið til Austurríkis í sumar, nú er það alveg ákveðið, en það besta við þetta er að á morgun verður pantað fyrir hann fyrir til Íslands frá Austurríki, já heim en ekki út, en við finnum eitthvað út úr því. Hann mun verða hjá Evu frænku sinni og fara á þýskunámskeið, þetta verður bara gaman fyrir drenginn.

Svo þessa helgi er hann að fara til Dalvíkur á skíði, svei mér þá ef drengurinn er ekki alltaf á faraldsfæti, við hin verðum bara vonandi í rólegheitum um helgina, jæja fyrir utan það að við hjónin erum að fara í útskriftargleði.

bið að heilsa í bili
Lauga

Brjálað að gera !!!!

2007-02-04T20:02:00.000Z

Ég get víst alveg sagt að það sé brjálað að gera hjá mér þessa dagana, ekki nóg með það að ég sé að reyna vera dugleg að skrifa eitthvað á þessa síðu, heldur þarf ég líka að tjá mig á síðu fyrir Gaggó Aust, einmitt ! við erum búin að koma okkur upp blogg síðu fyrir árgangsmótið sem á að vera í mai, Lifi Austó hehehehe.
Ég,Palli,Ólöf og Ragna skelltum okkur austur fyrir fjall til að skoða mögulega staðsetningu fyrir árgangsmótið, svakalega var gaman að fara þetta, stoppuðum síðan á Selfossi og fengum okkur kvöldmat, þessi matur fór ekki vel í magan á mér og lá ég því daginn eftir bara í magakveisi, up and down, eintóm hamingja eða þannig, er sem betur fer öll að hressast og er tilbúin í slaginn.
Nú er bara vera dugleg að skrifa á 2 síður, vera í ræktinni, sinna börnum og heimili, reyna að komast á kóræfingu og ég má víst ekki gleyma vinnunni :-), þetta er bara heilmikið.
Svo er ég líka að hugsa um meira nám, já ég skrifaði nám, ég er að pæla í því að fara í mannauðsstjórnun, svo er fólk eitthvað að tala um að ég eigi að vera kennari, hvað finnst ykkur?, finnst ykkur ég vera kennaraleg?, ég bara veit ekki.
Vá hvað þetta getur verið erfitt.

Bið að heilsa í bili, þið sem hafið áhuga endilega kíkið á nýju heimasíðunu Gaggo Aust, linkur hér til hægri, svo eru líka komnar inn nýjar myndir.

Kv. Lauga

Febrúar genginn í garð

2007-02-01T15:52:00.000Z

Og ætli þá veturinn sé að skella á eða er hann bara búinn??
Stórt spurt ekki satt?.
Jæja nú er ég að leggja í smá ferðalag, ég,Ólöf, Palli og Ragna erum að fara skoða hugsanlega staði fyrir árgangsmótið okkar (reunion), þetta verður örugglega fín ferð.
Svo að sjálfsögðu er það bæði handbolti og fótbolti framundan hjá okkur fjölskyldunni. Alltaf einhver að keppa, þannig að ég verð bara að vera tilbúin í slaginn og vera eina mamman sem er öskrandi að hvetja Gróttu áfram. Áfram Grótta !!!!!

Janúar á enda

2007-01-29T19:57:00.000Z

Nú er jan að verða búin og ég reyni að vera dugleg í ræktinni, fer svona 4-5 sinnum í viku. Ég ætla rétt að vona að kílóin fari að fjúka, því nóg púla ég og svitna. Nóg um ræktina að sinni, ég fór í frábæra óvissuferð með vinnunni á laugardaginn, þar sem lagt var af stað kl 8.30 frá höfuðborginni og keyrt austur fyrir fjall, að minni Borg í Grímsnesi, þar sem við vorum á námskeiði sem heitir "hver tók ostinn minn" frábært námskeið og ég komst að því að ég er Þefur (híhí) ég er sko enginn Loki (þvermóðska og ekki til í neitt) eða LÁSI (sem þarf að taka öllu með fyrir vara og að vel ígrunduðu máli) neibb ég er Þefur (svona meira til í að gera hluti og reyna að framkvæma þá), og eftir þetta námskeið var farið upp í risastórann fjalltrukk og farið upp á Bláfellsháls og þar var farið á snjósleða og keyrt upp að jökulrönd Langjökuls, þegar þetta var búið var brunað á Laugarvatn þar sem sest var niður að snæðingi og gætt sér á þorramat. (og Drukkið). Ég var búin eftir þetta skrall á sunnudaginn en lét það ekki aftra mér og mætti í ræktina til að hrista af mér slenið, svei mér þá ef ég er ekki að standa mig í þessu átaki.

Jæja bið að heilsa ykkur í bili. Þorrakveðja af nesinu.

Átak

2007-01-18T09:00:00.000Z

Nú er maður byrjaður í nýársátakinu, tók þá skemmtilegu ákvörðun að reyna að koma mér í form, skellti mér því í worldclass og skráði mig í likami fyrir lífið, svo var það að koma sér af stað í fyrsta skipti og viti menn það var bara gaman, hitti gamlan skólafélagi úr MH sem ég hafði ekki hitt lengi, (alltaf gaman að spjalla).
Það er sko ekki nóg með að ég sé í átaki þá erum við líka byrjuð með hundinn á námskeiði.

Svo er undirbúningshópurinn fyrir reunion byrjaður á fullu í undirbúningi, fá tilboð og fleira. gaman gaman.

07.01.07

2007-01-07T13:31:00.000Z

Ekkert smá flott dagsetning, hehehehe, enda er þetta minn dagur, jamm ég á afmæli í dag, 36 ára, þetta er ekkert stórt en afmæli samt, ég ætla bara að taka því rólega í dag og taka niður jólin, eitt af því sem ég geri alltaf á þessum degi, en ég er jólabarn rússnesku rétttrúnaðarkirkjunar, jibbíííí ég er jólabarn. Jæja ég ætla að halda áfram að taka niður jólin.

Gleðilegt ár !!!!!

2007-01-05T10:33:00.000Z

Já gleðilegt ár og takk fyrir það gamla.
Nú eru liðnir heilir 5 dagar af árinu og systir mín á afmæli í dag (40 ára) og svo ég eftir 2 daga, nú þá er bara árið búið í mínum huga, annars höfðu allir það gott yfir áramótin, skelltum okkur til Keflavíkur til að éta og sprengja og svo að sjálfsögðu til að vera með skemmtilegu fólki.
Eftir svona gott frí er eftir fyrir strákalinga að vakna (Markús og Haukur), ég er nefnilega búin að komast að því að það eru þrjár A manneskjur á heimilinu og tvær B manneskjur, við hin skiljum ekki svona, alltaf sama vesenið á morgnanna og á kvöldin hehehe. Lífið í hnotskurn. A+B= O

Daníel á jólaballi

2006-12-30T17:13:00.000Z

Ekkert smá gaman að vera á Íslandi og fara á jólaball.

Gleðilega jólarest

2006-12-28T09:13:00.000Z

Nú er pakkaflóðið búið og allir glaðir með sitt, þetta voru svakalega notaleg jól, auðvitað sá ég um matinn og allt það, nema Gulli minn sá um að gera dessertinn og hann ætlar líka að sjá um hann um áramótin, fínt að hafa einhvern svona í eldhúsinu með manni. Farið var í jólaboð á jóladag eins og venjulega og svo fórum við til Keflavíkur í ostaveislu á annan í jólum, svo hefur það bara verið vinna. En fjölskyldan ætlar svo að eyða áramótunum í Keflavik og sprengja sprengja bomm bomm..... jæja læt þetta nægja í bili, það eru komnar inn nýjar myndir frá jólum.

Gleðileg jól

2006-12-24T01:16:00.000Z

Ég óska ykkur gleðilegra jóla og farsældar á nýju ári, takk fyrir það gamla.
Nú eru jólin að ganga í garð og ég hef alveg nóg að gera, reyndar er ég búin að öllu nema að elda matinn, maður hristir það að sjálfsögðu fram úr erminni eða þannig, en það eru sko engar breytingar á matseldinni, nema kannski á eftirréttinum en Gulli ætlar að gera hann. Þannig að ég hef ekki yfir neinu að kvarta.
Nú er síðasti jólasveinninn á leiðinni í bæinn og vísa hans er svona.

Þrettándi var Kertasníkir,
- þá var tíðin köld,
ef ekki kom hann síðastur
á aðfangadagskvöld.

Hann elti litlu börnin,
sem brostu, glöð og fín,
og trítluðu um bæinn
með tólgarkertin sín.

Kertasníkir er víst búinn að koma og honum leist ekkert á kertin, beit í þau og skildi þau svo eftir, þau eru víst ekki úr tólg þannig að það er ekkert varið í þau.

Bið að heilsa í bili.
Með jólakveðju Lauga

Helgileikur

2006-12-21T08:53:00.000Z

Nú er maður búinn að fara á 2 helgileiki (þann sama) hjá strákunum mínum, hjá Markúsi var leikritið bara inni í skólastofu og ekki var minn maður á því að fara í búning, nei nei best að vera bara í íþróttagallanum enda líka vitringur hahahaha, svo fórum við að horfa á Sturlaug og bekkinn hans, vá flottir búningar og leikmunir, mikið lagt upp úr þessu hjá þeim, Sturlaugur var sögumaður ásamt 2 bekkjarfélögum, þetta var svakalega flott.
Eins og sönnum foreldrum sæmir tókum við myndir af herlegheitunum og ef þið vilið skoða þær þá eru þær hérna til hliðar, "Nýr myndavefur" bara tví klikka.

6 dagar til jóla

2006-12-18T11:30:00.000Z

Þessi kall mætti víst í nótt og ég varð bara ekkert var við hann.
kannski var það vegna þess að ég svaf eins og steinn í nótt, búin að vera gera breytingar á eldhúsinu og reyna að vera myndarleg að baka smákökur, og svo ákvað ég að enda árið á því að brenna mig á vinstri hendi, hehehe, byrjaði árið á því að handleggsbrotna um úlnliðinn svo tók ég 9 mánuði í nýrnavesen, loksins útskrifuð frá því, svo lengi sem ég held mér við óhollustu og drekk áfengi þá er ég í góðum málum, ekkert grænmetis kjaftæði, svo er ég búin að vera nokkuð góð í nokkrar vikur og þá brenni ég mig. ÉG ER HANN þetta árið og enginn getur tekið það af mér.

Vá þriðji dagurinn í röð.

2006-12-14T10:42:00.000Z

Hélt að ég ætti mynd af þvörusleikir, en well þið fáið bara mynd af pottasleikir í staðinn, hann er líka alveg ágætur. Nú eru jólin alveg að fara bresta á, því er allt að gerast, búin að saga niður jólatré og nú bíðum við bara eftir þorlák svo við getum farið að skreyta.

Giljagaur kom til okkar í nótt

2006-12-13T14:25:00.000Z

Stúfur karlinn er á leiðinni í bæinn og kannski kemur hann líka til okkar, það fer reyndar allt eftir drengjum hvernig það fer.
Stefnt er að því að skella sér á skauta eftir vinna á Ingólfstorgi, sniðugt hjá TM að leiga eitt stykki skautasvell í tilefni jólanna. Gaman gaman.

12 dagar til jóla

2006-12-12T15:31:00.000Z

Það eru einnig 12 ár síðan Sindri fæddist, tíminn líður alveg ótrúlega hratt, allt í einu sat ég og sá bara 12 fyrir mér, 12 des, 12 dagar til jóla og 12 ár, og ég hugsaði með mér hvað ég er rosalega rík, að eiga 3 stráka hjá mér og allir valda þeir mér armmæðu, er það ekki bara parturinn af lífinu, það væri nú ekki neitt fútt í því ef þeir væru ekki að bögga mömmu sína (helst alla daga) :).
Þeir geta sko verið óþekkir þessir drengi, þeir fengi til dæmis ekkert í skóinn frá Stekkjastaur, gaman að sjá hvernig þeir haga sér í kvöld (hehehehe), kannski er Giljagaur ekki eins strangur, hver veit, það kemur í ljós á morgun.
Kannski að ég fari að baka smákökur í kvöld, hmmmmm reyni að setja mig i stellingar fyrir jólin.

Betra er seint en aldrei

2006-11-27T09:28:00.000Z

Jújú ég er á lífi, en skrifa bara ekki mikið (sjaldan sem sagt).
Eins og alltaf þá er mikið að gera hjá mér og mínum, þá sérstaklega í nóvember,þetta er mánuður afmæla, unglistar og Skrekksins, og auðvitað má ég ekki gleyma tónleika.
Stærsta verkefni mánaðarins hjá mér var "Skrekkur", og ég verð að segja að ég er dálítið þreytt eftir þá törn, en þessir unglingar eru frábærir, svakalega eru þeir frjóir, ég hefði alveg vilja að svona hefði verið þegar ég var í skóla.

Þá er komið að segja frá tónlistinni á heimilinu, þar sem allir drengirnir mínir eru að læra á hljóðfæri, ekkert smá stolt mamma, en nú er ég búin að fara á blokkflaututónleika hjá Markúsi Inga (mín með tárin í augunum), flottur strákur, en honum langar samt bara að læra á trommur, ég er nú samt að vona að hann velji eitthvað hljóðfæri sem til er á heimilinu (gítar, bassi,píanó), svo var ég á tónleikum hjá Sturlaugi, þar sem hann spilaði 2 lög á píanóið (enn meiri tár), eins og ég sagði áðan þá er þessi strákur líka flottur (ekkert smá væmin mamma), og svo er ég að fara á aðventutónleika hjá Gunnlaugi, þar sem hann mun spila 5 lög, 2 lög með 10 öðrum gítarsnillingum, 2 lög með 2 öðrum snillingum og svo að lokum mun hann spila 1 lag alveg einn,(ætli ég verði ekki farin að hágrenja þarna :) )

Svo var ég rækilega minnt á það hve lífið er hverfult og við eigum sko ekki að taka því sem sjálfsögðum hlut, en gamall skólabróðir minn varð fyrir fólskulegri árás í london og er haldið sofandi samkv. síðustu fréttum.

Munum því að njóta dagsins í dag :D

Þetta að fer að koma

2006-10-29T10:38:00.000Z

Jamm þetta fer að koma, það er svo mikið að gera hjá mér að ég hef bara ekkert að segja. Skrítið hvernig þetta er stundum og svo hefur maður ekkert að segja frá.
En eins og vanalega þá er brjálað að gera í nýju vinnunni hjá mér og búið að vera brjálað að gera hjá mér á föstudögum í skemmtanalífinu, alltaf í partýum eða á skemmtunum og alltaf makalaus hehehe, Hauki finnst þetta fullmikið, núna búin að fara 3 föstudaga í röð og svo fer ég aftur næsta föstudag.

Bráðum verður heilmikið fjör á heimilinu, þar sem við vorum að fjárfesta í píanói handa Sturlaugi, ja ég er komin með heila hljómsveit hérna og ég fæ að syngja, Gulli spilar á gítarinn, Stulli á píanóið og Markús Ingi á blokkflautu (vill læra á trommur) Haukur spilar svo á bassann.

Jæja nú er ég hætt, ætla á lista sýningu með Hildi mágkonu og svo horfa á fótboltaleik hjá Gulla.

Hilsen í bili. Lauga